Augurios

Libera che abile in s’aera
Com’isparghe sas alas a su olu,
Potas lograre recreu e consolu
Cun d’una sacrossanta istima vera.

E sa fortuna benigna e sinzera
Ti siat vigilante a su fiancu
Sa salude no benzat mai mancu
In sos sognos c’has fattu sempre ispera.

E chi lu siana minores’e, mannos
Sempre presentes cun su risu in laras
E de paghe s’abelzada su balcone.

E i sa meritada pinzione
Inghiriada da sas persones caras
Godire chi potas’a, chent’annos.

Cun affettu Mimmia Soro