Arrieddus de oru
de Sandro Chiappori

…quando un Poeta ci lascia
(in memoria di Raffaele Piras – 4 dicembre 2014)

Sarragat su tronu
in s’umbra atesu
de unu beranu de “laus”(*)…
e imoi frùsciu de alas arvas
s’intendit in sa muredda.
Sciu ca su ‘entu at a sulai notesta
po ndi boddiri is suspirus
de s’ùrtima poesia Tua.
Fueddus chi imoi aguantas
po su sufrimentu
a strintu me is lavras;
ma Tui no ti-nci fuis de s’amori
no… e in su cabitzali
de unu merì prunosu che s'arrù
allebiau de is manus
de chini sèmpiri
t’at portau in coru
comente soli a su scurigadroxu
ti-ndi studas
in milli arrieddus de oru
poita pòtzant donai richesa
a su coru nostu
meda bortas sbeliau
e aundi ddoi agatit sèmpiri
domu sa poesia.
Comente chi Tui
a s’ùrtimu arrematu
tenèssisti sceti
abbisòngiu de icustu.

 

RIVOLI D’ORO - Rantola il tuono/ nell’ombra lontano/ d’una primavera di “allori”(*).../ e ora fruscio di ali bianche/ si sente sulla soglia di casa./ So che il vento soffierà stanotte/ a raccogliere i sospiri/ dell’ultima Tua poesia./ Parole che ora tieni/ per la sofferenza/ strette tra le labbra;/ ma Tu non fuggi all’amore/ no… e sul ciglio/ di una sera irta come un rovo/ lenita dalle mani/ di chi sempre/ ti ha amato/ come un sole al tramonto/ ti spegni/ in mille rivoli d’oro/ perché possano donare ricchezza/ al nostro cuore/ molto spesso distratto/ e in cui vi trovi dimora/ sempre la poesia./ Come se Tu/ alla fin fine/ avessi solo/ bisogno di questo.

(*) Prima ancora di diventare un grande ed apprezzato Poeta, Raffaele Piras è stato un grande campione della Nazionale Italiana di Atletica Leggera.

1° Premio “QUARTUCCIU” - 6^ Ediz. – 16 maggio 2015