A R R E M I N Z E N D E*

Chertu non b'at,
non b'at apìsulu perunu,
non movet frina...
Fritta una lughe de prata
arvat sa natura arreminzada.
Sos chercos inconados*
umbras bettant nieddas
subra a su raminzu.*
Inue bi fit su riu
roccas alvas current e siccas
sena làgrimas pianghende.
Sos muros biancos de sas tancas
rughes mannas parent, boltuladas...

E nois a arreminzare sighimus
in domo nostra,
s'avreschida isettende.

Nino Fois (I° Romangia '78)

arreminzende = brucando gramigna - vivendo di stenti
raminzu = gramigna ( Padria, Sedilo, ecc. )
inconados = immobili ( da cona = statua, immagine)