Arpilias….

Arpilias intendo apilicande
in sos predarjos de su coro mudu
in punnas de nche tenner sa mimòria
d’impuddiles serenos codiaos…
ca oje arbeschen totu mascaraos
de lucore faddinos…

E baddu si bi proghet…

Mi paret de intender s’istripitu
de su manzanu, a passos de lentore
in lacànas de tiria,presoneri
de curustos beranos
suta chelos d’intrìghinos istasios…

E baddu si bi proghet…

Si custa terra at a ingranire
dies moddes de pane
e ispicas de sònnios abberaos
pro pitzinnos sin naos in su crèschere
dae sas pragas de sa violèntzia…

Fortzis cras at a pròghere…

Murmutu ‘e frogas nobas
e de ìanidas abbas
an a torrare a ruper dinnidade
intro s’ànima issoro
brivada ‘e s’innossèntzia…
Fortzis abberu tando at a luchèschere
s’isteddu ‘e su rispetu
in su chelu corbarju
de su malu sentire…

Fortzis abberu tando at a granire,
che istiza é solein coro ‘e mamas,
unu sèmene nobu de ispera
in sa tula luzana
de su cras benidore ‘e sos Fizos…

Dego, pessande a issos,
so semper in s’isetu ch’irfadèscat
s’iscuru ‘e custa note lunàdica…

Brividi

Brividi sento inerpicarsi
sulle pietraie del mio cuore muto
cercando di raggiunger la memoria
di albe serene e svanite
perché oggi si destano camuffate
di fallaci bagliori…

Chissà se pioverà…

Mi sembra di sentir lo strepitio
del mattino, a passo di rugiada
in confini di ginestre spinose ,
prigioniero di primavere arcigne
sotto cieli di stremati crepuscoli….

Chissà se pioverà…

Se questa terra granirà
giorni teneri di pane
e spighe di sogni avverati
per bambini segnati nello sviluppo
dalle piaghe della violenza….

Domani forse pioverà….

Mormorii di germogli nuovi
e acque cristalline
talliranno una nuova dignità
nella loro anima
dell’innocenza spogliata…
Forse allora rilucerà di nuovo
la stella del rispetto
nei cieli ombrosi
dell’impuro sentire…

Forse allora davvero granirà,
come spicchio di sole in cuori di madri,
un seme nuovo di speranza
nell’arido semenzaio
del futuro dei Figli…

Col pensiero a loro rivolto,
sto sempre nell’attesa che diradi
il buio di questa sterile Notte…

Nùgoro Isetande chi arbescat…

Giovanni Piga
2° premio Poesia in verso sciolto al "Premiu ‘e poesia sarda Santu Mauru" di Sorgono 2014