Antonella e Sarbadore
di Giuseppe Concas

Auguro Antonella e Sarbadore
pro totta vida sempre in cumpanzia
e su tempus li s’andede in favore
salvamentu de onzi maladia.

Paghe amore e allegria
cun fide mantenindesi s’onore
e mai lis manchede su valore
cun s’assistenza e Deu e de Maria

E sa sa bona fortuna in manu tenzana
chi pro sos umanos es sa pius forte
e-i sa paghe santa si mantenzana,

a piaghere insoro ande sa sorte
su chi bonu domandan sempre ottenzana
fin’ arrivare a sa Celeste Corte.

Bolotana, 5-9-2009