Amentos de tres ottavas de une bellissima gara in dunu
Magasinu de Ardauli sa die de Annu Nou 1980
Tema su divorziu Putzolu sa Muzzere Sannu su Maridu

Putzolu
Ses un’ora Barore gherra gherra
Cun custos contos de Divorziare
Pro tantu m’ais promintu in S’Altare
Amore a vida su cantu fisi in terra
Non lu podes innoghe dinnegare
Ca distimonzu ancora ch’és Don Serra
Si divorzias ses s’irgunza e su paese
Tando narami ite maridu sese

Sanna
Sende giovanu de coro io penzadu
De mi creare una vera famiglia
E d’enanti e cussa Altare io giuradu
Amore veru e senza puntiglia
Perô non io mai immagindau
Chi prus de mé istimas sa butiglia
Ca cando a butiglia tiche imbaras
Ne pranzu e nen chena mi preparas

Putzolu
De butiglias non de faeddes a mie
Ca ti connosche tottu su paese
Si preparo su pranzu a mesu die
Tristamente rientras a sas trese
E tiche ispendes tottu in duna die
Sa paga badanzada in d’unu mese
Zente ch’iscurtas de asa a cumbennere
Maridu goi és menzus non de tennere

Ardaule 1Ennarzu 1980

Battro meses dopo custa gara Sanna moridi
Improvisamente a s’edade e 59 annos