Canno tiras tue ispera sana
das s'allegria a totu sa natura
cun cussas alas tuas de friscura
intras in donzi logu in donzi tana

ses de su chelu virtude galana
chi mandai su Sennore bella e pura
cun tue tribàllio e reposo a sa segura
ca intras gràtziosa in sa ventana

ses aerita bella e saludosa
totus ti braman in particulare
ca cunsolas sa gente e donzi cosa

deo ti bramo in dònzia momentu
e canno mancas anno a ti chilcare
mancari pighe fince a Gennargentu.