Cando pensas de tenner intro 'e manos,
su fogu ardente de sa pitzinnia,
e ti perdes in s'erba 'e s' allegria,
ch' iscurosos ti mustran sos manzanos,

est tando ch' in sos sonnos prus arcanos,
s'anima restat chena cumpanzia,
sa volontade chena balentia,
paza 'e arzola de siccos beranos.

Chirrare però deves un' andera,
sighire a morrer o menzus bisare,
ateru albore 'e libertade vera.

Ti mustro su caminu de s' ispera,
e chena su passadu ismentigare,
sa vida abbratza!...est tempus de messera.

Prima classificata alla 15° edizione del Premiu di poesia “S'Isciareu”- “Augusto Piras” Flussio 28 febbraio 2026