Cando s'abba frisca e risulana,
da s'intragn'e sa rocca, o sa codina,
bessid'a fora, frisca e cristallina,
cassa in sardu la giaman funtana.

A tottu sos mortale nd'enit gana,
de la buffare che binu in chentina,
no che s'abba de cussa pischina
c'a mala pena bi campat sa rana.

Cantu ti naro, fissadilu in mente,
e si no cheres morrere sididu
abbasciadi a buffare abba 'e riu.

E in cussa pischina putzolente
faghe finta 'e gradire su cumbidu
ma de abba no buffese unu utiu.

(Olanda)