A ZIA ROSA PUTZOLU

De sos logos eternos eccellentes
Cara Zia as leadu sos camminos
Lassande in terra tristos piaghentes
Familiares lontanos e vicinos.

Ma in cussos logos divinos lughentes
T’immagino in festa in sos giardinos
In sa mesa de sos onnipotentes
A pranzu e chena cun sos Cherubinos.

In amentu in onore e pro memoria
Zia cara da cussa eterna serra
Inue su bene fattu est sempre incisu.

Perdona sas offesas de sa terra
Ma cun sos Santos de su Paradisu
Tenzas sorte felice in Santa Gloria.

Serafino Putzolu - Ardauli, 20.08.2002