(po sos chent'annos)

Cun bàculu camina' a passu lentu
e in cara giughet sempre bonumore
ma tziu Boricu fende su pastore
nd'at itu abba, nie, frit'e bentu.

Giughet su corpus forte che tzimentu
no intendet nen puntas, nen dolore
e pagas bortas anda' a su dotore,
po cussu est ch'at brincadu sos chentu!

Chene pigare droga e meighina
de curridore s'at postu sos pannos
seghende su traguardu a chent'a s'ora.

De nois sos augurios pro sos annos,
impare a sa muzere tzia Lillina
a nde festare medas ancora.

Seulu su deghe de arbile de su duamizabàtoro