A su parracu Pier Paolo Calaresu
de Giuseppe Concas

Pier Paolo sas craes a sa manu
De Pedru sa cresia mazore
Bolotanesa ti faghed s'onore
Erede de su cultu cristianu

As'agatadu su terrinu sanu
S'ama purgad'a faghes su pastore
E si semenas bene su laore
Chent'ispigas ti frutat unu ranu

Cantu ch'adduras s'amore mantene
E cun tottu sas animas umile
Istande tzertu chi ti torran bene

Lass'abertu de Pedru su zannile
E bintran finas sos chi pagu crene
A su misteru de s'eternu cuile

Una fidele istrinta e manos
Isperande in Deus ti saludo
Cantu nos lassat de istare sanos

Bolotana, 12-02-2014