A SU BASKET GHILARZA

Mario Vita Nostra o Nostra Vida
L’apo rezida e nd’apo cuntentesa
B’at in s’internu una foto dechida
De s’equipe de Basket Ilarzesa.

L’as bene presentada e tot’unida
E pro Ghilarzi est onore e grandesa
Ma zertu bonos mastros pro guida
An tentu pro produer tanta resa.

Pro cust’equipe fort’e binchidora
Prena ’e corazzu e de gestos siguros
Prego a Santu Prameri ogni virtude.

In vida intelligenzia cun salude
Tenzana totus in sos annos futuros
Pro chi vittorias apan med’ancora.

Serafino Putzolu, Parigi 22.10.2002