A sos parrocchianos emigrados de Piaghe
de Salvatore Budroni

S'ancora sa fortuna no apo tentu
de fagher cun totu 'ois connoschèntzia
e nemmancu 'e nos bider a presèntzia,
bos so vicinu cun su pensamentu.

E prego sa Divina Onnipotèntzia
d'aer salude, fortuna e cuntentu.
Poi colados nessi 'eranos chentu
boledas a sa Divina Residèntzia.

Custu meu fraternu augurale,
unidos cun sa 'ostra familìa,
vivide in paghe santa, sempre sanos.

Ma tot'umpare a sa festa 'e Nadale
sos chi sezis vicinos e lontanos
pro venerare su fizu 'e Maria.