A sos amigos...
di Franco Maccioni

Ninni Piras, Renzo Rosa, Luigi e Maria Ladu e Peppe Concas

So cuntentu ca tue ses torrande
est ora diletare torra in prua.

Cun valorosos versos sa oghe tua
cantat ancor 'inoghe cun sos gosos
s'oghe tua cun versos valorosos
cun sos gosos cantat ancor 'inoghe
cun versos valorosos sa tua oghe
inoghe cun sos gosos cantat ancora.

So cuntentu ca tue ses torrande
in prua diletare torra est ora.

Tue bantu intantu ses da ora
cun Rosa umpare cantu ispantu
ses da ora tue bantu intantu
cun Rosa umpare ispantu cantu
ses da ora tue intantu bantu
cantu ispantu cun Rosa umpare.

So cuntentu ca tue ses torrande
in prua est torra ora diletare

Istimas a Maria e Peppe dare
a Luisi nande cun rimas cheria
a Peppe dare istimas e a Maria
a Luisi cheria nande cun rimas
a Maria e Peppe dare istimas
cun rimas a Luisi cheria nande.

Est ora diletare torra in prua
so cuntentu ca tue ses torrande.