A ROSALBA SATTA CERIALE
PRO SA MORTE DE SU BABBU

Rosalba cara no isco comente
mandare a tie custa cortesia.
Su dolore tuo est sa pena mia
mortificadu in s'affannu ardente.
Non bido piusu,né intendo poesia
de m'allegrare su coro, sa mente
de si Fizu de s'Atene sarda eccellente
chi tanta ammirazione li tenìa.
Rosalba sias forte in su dolore
a supportare custa sventura
chi trapuntu de pena hat donzi coro.
A lumen meu in sa sepoltura
nascat de Babbu tuo unu viore
e cunfurtu e pasenzia a Tie imploro.

GASPARE MELE
Orotelli 29-07-2001