A Pietrinu
di Giuseppe Concas

Fortzis pius de tantu non bi crese
s’allegria ch’in me proadu ap’oe
de precisu sa die deghe-noe
in beranu ‘e lampadas su mese
ammentu ‘e su dumamiza e noe
a sa terra nadia ennidu sese
cun muzere Tua in cumpanzia
a sa dimora ‘e sa pitzinnia.

Magari ch’abitades a distanzia
sa terra er sol’una o Pietrinu
pro me er sempre acurzu unu ighninu
er vera cumpanzia in fratellanza
resta sempre s’amore de s’infanzia
finas’ a sa vin’ es’eternu caminu
e bois atteretantu vaghides
onzi tantu in visita ch’enides.

Bos cherzo ammentare in carchi riga
Bolotana pius de bonu e’su valore
sa zente Sarda moderna e antiga
in pagh’e gherra si ha fattu onore
Roma non les bistada tantu amiga
che la suzzadu sambene e sudore
finas dae bois emigrados
chi campades in atteros istados.

Si su talentu ancora mi favoridi
torro a s’argumentu ca es virtude
sezis partidos essende in gioventude
ch’istande bene in tottue si goditi
pregande bos mantenza sa salude
fide sempre cun Deu e non si moridi
bos auguro a chent’anno’sora
sa domo sarda visitande ancora.

Como bazzi che bonos Cristianos
a ue bosan battizzadu a sa naschida
sa festa ‘e Pedru chi es’urtima chida
a s’Altare e basadeli sas manos
invocandeli Santa sa guida
torrade a Belgio allegros e sanos
e de podes cumprire onzi promissa
ammentu onz’annu una Santa Missa.

Como rezzide unu abbratzu cardu
a sor de Belgio unu saludu in sardu.

Bolotana, 19-06-2009