Caru Luisi, cun su pensamentu,
Da Mimmia cust’umile fiore.
Pro chi no siat d’immensu valore
Si l’aggradessis, nde resto cuntentu.

Godasa de sa vida ogni momentu
De Maria s’affettu e s’amore
E laudes ti diat su Segnore
Cun salude a pius d’annos chentu.

E sa fortuna benigna e sinzera,
Siat sempre presente, senz’ingannos
In s’andera ‘e sa vida a tottu prou.

Ogni disizu onestu, cunsidera,
Realizende a piaghere tou
Su traguardu passes de chent’annos.

Cun affettu, Mimmia Soro (Olanda)