Poesia in lingua sarda
A Luigi e Maria
cunvintu chi non podende de prusu, azzetana sa bona volontade
Vantatinde Bolotana c’allatas
che vizu caru, custu vizu anzenu
dandeli su capricu pius prenu
l’as fatu tuo e bene lu tratas.
Forzis t’abizzas chi cantu li dasa
de amore, d’istima e consideru
ti l’est torrande de coro sinzeru
eris, oje, e t’ind’aspettas crasa.
Cale vrisca vuntana naturale
su menzus samben l’as suttu da venas
e pro cant’as godiu a manos prenas
l’as cunsideru d’omine ‘e gabbale.
Però ammenta sa raighina
chi l’alimentat fieru in s’andare
dae nascher, suffrire e gosare
cun orgogliu est de terra muntagnina.
A tanta fieresa cun amore
de su tou zardinu l’as donau
caente, allentoriu, profumau
e senz’ispina su menzus fiore.
Fiore chi fiamas ada allutu
finas chi decorosu at fatu nidu
in pianta chi bene ad’inferchidu
pro nde vattire meda e bonu vrutu.
Mai connoscan umbras, impuddile
senza sole. Ma in andala vroria
sigat sa vida de Luigi e Maria
Cant’est s’istima a issa e pro vradile.
Chi lis tenz’eo e pro simpatia
bi diat cherrer menzus poesia.