A "Is Bìgnales"
de Pietro Zanda

Cun su coro pienu 'e bramosìa
Is Bìgnales sèmper t'apo amadu
si dae te mi so allontanadu
non est ca non ti tenia simpatia

in sa domita antiga m'at ninnadu
mama e dadu m'at vida e allegria
e de te non mi so ismentigadu
sèmper bisu s'antiga armonia

a lugore de luna e de istellas
faghiamos riunione a sa friscura
pro contare istòrias bellas

ite mannu consolu ite delìtzia
cun s'educatzione sana e pura
tanno sì ca si manteniat s'amicitzia.