A Bunnànnaru
de Salvatore Budroni
 

De Pélau sas vulcanicas collinas,
Bunnànnaru, ti faghen meriaghe;
e de Malis sas abbas cristallinas,
cun Turrea, Nieddu e cun Folaghe,

t'inghirlandan de perlas diamantinas,
decantèndedi affettu, orgogliu e paghe;
e-i sas tuas nobiles fèminas
e d-ogni fizu tou inzeniaghe

tribaglian cun amore su terrinu,
cun passione ricca e fantasia,
produin frutta e saboridu 'inu,

casu cun lana e bona massaria;
però sa mezus rosa 'e su giardinu
est sa latina e sarda poesia.