Aèra arvatada
di Giovanni Chessa

Oje a Casteddu
s’umbrosu incaldanadu
m’aporrit dae mare
nuscos de pighe
d’ifummentos salidos
e non resesso a jumpare
a su montiju mannu
ue fraigos antigos

m’ammento

aumbrant sa carena

fragos de lanedda ‘e rocca
mi torrant in issegus
dae custa aèra arvatada
istazolada
dae trastos chi tronant
intre lùghidos
sulcados
aturrados
istrossados e nieddos

pessares

oje a Casteddu.

Casteddu 15/07/2010