ASSOCIAZIONE TURISTICA PRO LOCO
CUVVENTU
BUSACHI

Via Brigata Sassari 235, 09082 – Busachi (Or) – Cod. Fisc. 90034100959
Cell. 340 2398582 - 3275876033 e-mail proloco.busachi@tiscali.it


PRÈMIU DE POESIA “A sa moda ‘e Usacche”


BANDU DE CUNCURSU

 

Su prèmiu de poesia “A sa moda ‘e Usacche” naschet cun s’intentu de valorizare, non pèrdere e no ismentigare sa limba sarda e su modu de fàghere poesia, ancora presente in sas biddas nostras, pro ite solu no immentigando sas raighinas nostras podimus bìvere mèngius in su mundu de oe.
Su cuncursu previdit duas àreas de partetzipatzione e duas setziones:

ÀREAS DE PARTETZIPATZIONE

DILETANTES E PROFESSIONISTAS.
1) Pro diletantes s’intendent sos poetas chi non sunt istados mai premiados e no ant mai fatu publicatziones;
2) Pro professionistas sos poetas chi sunt istados premiados o mentzionados in àteros cuncursos o ant fatu publicatziones.

SETZIONES

POESIAS A VERSU LÌBERU E POESIAS IN RIMA.
Si podet partetzipare a una setzione ebia e solu cun unu cumponimentu.
Su tema est lìberu. Sunt ammissos a su Prèmiu sos traballos iscritos in ogni variedade de sa limba sarda.

PRESENTATZIONE DE SOS TRABALLOS
Sos traballos depent arrivare, in 6 còpias, a sa sede de sa PRO LOCO (Via Brigata Sassari 235), intro de su 10 de austu 2019. Devent èssere firmados solu cun unu “pseudònimu”.
A intro de una busta manna si devet pònnere: una busta cun sa poesia e una busta cun su nùmene, indirìtziu, nùmeru de telèfono e pseudònimu de su poeta, totas duas serradas.
Si devet ispetzificare a cale setzione si cuncurret.

AVERTÈNTZIAS
Sas poesias non depent èssere istadas premiadas in àteros cuncursos o publicadas o divulgadas in cale si siat manera, a pena de eliminatzione.

PREMIATZIONE
Sa premiatzione s’at a fàghere CHENÀBURA 13/09/2019 a sas chimbe (h 17,00).
Est agradessida meda sa partetzipatzione de totus sos poetas.

PRO CALE SI SIAT INFORMATZIONE SI PODET TELEFONARE A SU NÙMERU: 3701390262.

 

Poesie Elenco Autori Poesias Poetas