Vizìlia de pasca ‘e frores
de
Pietro Delogu

In lettholos de samben’
ispuntorjadu
er murinne su sole

Una luna belada
accurrutada es’ pranghenne
manacos de lucore
supra sas cropetturas
de sa bidda atturdìda

In sa pratza deserta
unu cane perdulaju
irmarinadu
est’orulanne debadas
su dolore a sos isteddos

In trimizzones de bentu
chin sa “ manaca manna”
solu es’bolanne
su virus incoronadu
ispazzolanne carreras e jannas
e domos de pore serradas

In bentanas astragadas
isporadu
solu minn’isto
a toccheddos de coro
abbochinanne s’abbandonu
de Cristos in sa ruche

Ma forzis cras a s’arborinu
chin su sole
sat’iscanzare su risu
a beranos broridos de ispera
chin sas drìnnidas alligras
de sas campanàs de pasca.


Segnalazione concorso poesia Sedilo 2020 “abbarraindomotua”