Oe est vinti de maju in bidda mia
s'intendet ch'est bennidu su eranu.
Sos pastores chi fin in Campidanu,
in Costera, sa Nurra e Barunia...

Torrana chin su saccu e su gabanu
e chin s'armentu a sa idda nadia.
Murghene da sa idda non lontanu
e disponen su latte in regalia.

E los dimandan a destra e a manca,
in s'ierru comente sun istados.
Risponden tristos e a boghe istanca:

"Appena no che semos isfrancados
dai su pagamentu de sa tanca,
sos fruttos a su "mere" sun restados!"

Anni 70