A PEDRU E ANTONELLA -PRO SU TRABAGLIU IN SU AGRITURISMU NOU

ACUDENDE, EST SA ZENT' ACUDENDE,
IN ONOR'' E PEDRU E ANTONELLA,
IN JUNCOS LONGOS OE SEMUS FESTENDE,
UMPAR'A ISSOS SA DIE PIUS BELLA.
AZIS CHERTADU CUN UNDAS DE MARE,
CHENA UNU REMU NE BASTIMENTU,
MIRENDE S'ISETU DE APRODARE
IN SU PORTU DE SU PRIMU INTENTU.
COMO CHI TOTU TORRAD' EST SERENU
E SU MARE MURRUNZU AT CAGLIADU
RAJOS DE SOLE LEAD'ANT SULENU
PRO S'ISPIJAR' IN SU CHEL' INNETADU.
CUSTA DIE NODIDA RESTET ANCORA
TOTA VIDA A CHENT' E PIUS ANNOS
SA MALA URA SERRADELA FORA
UMPAR'A PENAS, DOLOS E AFANNOS
S'OJAD''E DEUS E NOSTRA SEGNORA
PRO SEMPRE AMPARET ONZI DISIZU
AMOR''E ARMONIA REGNENT OGNORA,
MAI PIANTU CHI INFUNDAT SU CHIZU
DUREDAS SANOS IN SU TRABAGLIARE
CUN SA OSTRA ZENIA 'ENIDORA,
IN JUNCOS LONGOS A BOS AGATARE
PRO MILLI E MILLI ANNOS ANCORA.