Una rughe in palas
de Giangavino Vasco

Cando as bidu sa vida
fuindesiche in manos de su fadu,
cal’àndala as chirradu
in chirca de sa janna ‘e un’essida,
poninde fattu a issa,
po l’istratzare nessi una promissa?

Cand’est isvanessidu
in sos ojos su tempus benidore,
at pérdidu colore
donzi cosa in su padru fioridu.
E unu sole fritu
intr’ ‘e su pettus tou at fattu abbitu.

E cantas pregarias
donzi die imbiadu as a su chelu,
cun dudas e reselu
ca fortzis solu etottu t’intendias,
chircande calchi amparu
in chie affacca tua ti fit caru.

Ma ch’as lassadu attesu
su disisperu chi ti fit leande
e ti che fit furande
donzi fortza chi ómine t’at resu.
E as paradu fronte
po che pigare in chim’ ‘e cussu monte.

In roccas e costones
che ses coladu, istraccu e sufferente,
cun su pidinu in mente
chi no esseren solu illusiones
sas isperas regortas,
pérdidas in caminu medas bortas.

E dae s’altu as bidu
naschinde tébiu unu sole nou,
e su penare tou
chi t’esseret prus lébiu as pedidu
a chie cun sa lughe
at baliadu in palas una rughe.

Cun in coro su pasu
sighis a viver, non ti ses arresu,
e bies prus attesu
su tempus chi che leat a s’occasu.

Una croce sulle spalle

Quando hai visto la vita
fuggire in mano del destino,
quale sentiero hai scelto
per cercare una via d’uscita,
mettendole appresso
per strapparle almeno una promessa?

Quando è svanito
negli occhi il futuro,
ha perso colore
ogni cosa nel prato fiorito.
E un sole freddo
ha preso posto dentro il tuo petto.

E quante preghiere
ogni giorno hai inviato al cielo
con dubbi e timore
perché forse ti sentivi ugualmente solo,
cercando qualche protezione
in chi al tuo fianco ti era caro.

Ma hai lasciato lontano
la disperazione che ti stava prendendo
e ti stava rubando
ogni forza che ti ha reso uomo.
E hai avuto coraggio
per salire in cima a quel monte.

In rocce e costoni
sei passato, stanco e sofferente,
con in mente l’assillo
che non fossero solo illusioni
le speranze conservate,
perse molte volte per strada.

E dall’alto hai visto
nascere tiepido un sole nuovo,
e il tuo penare
hai chiesto ti fosse più leggero
a chi con la luce
ha sopportato una croce sulle spalle.

Con la pace nel cuore
continui a vivere, non ti sei arreso,
e vedi più lontano
il tempo che porta al tramonto.

10 maggio 2017

1°Premio alla XXXVI Edizione del Prémiu ‘e Poesia Sarda “Posada” POSADA 5 agosto 2017