Umbras
di Gigi Angeli

Umbras pighidas settidas a fogu,
s’abbampana sas caras manciuladas
dai sulcios, abeltos dai alvadas
de s’aradu ‘e su tempus nemigu.

Manos, k’hana istrintu maniadas
e han postu a pare mannuios de trigu,
azzettan’ pro cumpensu su castigu
de si ponnere a banda, ilmentigadas.

Ojos peldidos, pedini a sa fiama,
pro limosina, de no’ s’istudare
e faghe’ lughe pro torrare s’ama

de pensamentos, k’han’ de ammandrare
in cudda minda manna de sa “brama”,
pro los poder’ancora ninniare.

(Presentato al concorso “FILIPPO ADDIS” di Luras – ed. 98 – sez. Versi in rima.)