Tzàchidus de fuetu
di Salvatore Usai

Arrodas tostadas e corriatzas de carretonis,
arrumbulànta baddendi in arrugas imperdadas.
Po milli e mill’annus anti girau
in dònnia bidda e in dònnia natzioni.
Cinciddas, bogànta is ferrus
de is cuaddus scarrabeciaus e chen’e gana,
chi atumbànta is perdas.
Carretoneris cun sa castiada pèrdia
in d-unu crasi chi no at essit mai arribau,
traghendi fadiosas poboresas,
tzacànta, de tanti in tanti, corpus de fuetu
chi acudiant a pena a si perdi in su bentu.
Totu passau, totu acabau, totu cambiau.
Unu sèculu arrorosu de gherras e prantu,
s’est ingùrtiu unu passau chi pariat eternu.
Adiosu carretoneri discrètiu e chen’e bisus,
su tempus no andat prusu a passu de cuaddu.
Oi seus totus avolotaus e curreus po de badas.
Suspeus masedus: ferenu, faulas e tontesas.
Ah, cantu nostalgia tengu de is-i tzàchidus de fuetu
chi acudiant a pena a si perdi in su bentu!

Salvatore Usai

^^^^^^^^^^^^

Schiocchi di frusta

Ruote dure e coriacee di carri,
rotolavano ballando in strade lastricate.
Per migliaia di anni hanno girato
in ogni villaggio ed in ogni paese.
Generavano scintille, i ferri
dei cavalli decrepiti e infiacchiti
che urtavano le pietre.
Carrettieri con lo sguardo perso
in un domani che non sarebbe mai arrivato,
trasportando gravose miserie,
schioccavano, di tanto in tanto, colpi di frusta
che facevano appena in tempo a perdersi nel vento.
Tutto passato, tutto finito, tutto è cambiato.
Un secolo terribile di guerre e pianto,
si è ingoiato un passato che pareva eterno.
Addio carrettiere disilluso e senza sogni,
il tempo non va più a passo di cavallo.
Oggi siamo tutti agitati e corriamo inutilmente.
Assorbiamo remissivi: veleni, bugie e idiozie.
Ah, Quanta nostalgia ho degli schiocchi di frusta
che facevano appena in tempo a perdersi nel vento!

1° premio al concorso di poesia: Cesare Pozzo – Giugno 2007

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!