Totu sas bacas lanzas...
di Antonio Piras

(Cantada a Ballitu da “Su Cuncordu Iscanesu)

TOTU SAS BACAS LANZAS,
SOS PEGOS ILMARRIDOS,
SA PASTURA SI CH’EST ANDANDE MALE.
SAS BINTRADAS ISTRANZAS,
FAMIDOS E SIDIDOS,
S’EST SICANDE CUDD’ULTIMU ‘ENALE.
SAS CUSSOLZAS DE COMO
NO’ NDE PESANT SA DOMO,
SUNT SA RUINA ‘E DOGNI CUSSOLZALE.
ANT PROMISSU PROENDAS
MA NO’ SI BIENT NE SACOS NE MOLENDAS.

SEMUS IN AVOLOTU:
SAS FRABICAS SERRANDE,
MAMAS E BABBOS SENA SIGURESA.
DOGNI PROMISSA A DROTU,
SU TRIBAGLIU MANCANDE
A TIRAR’A DENANTI EST UN’IMPRESA.
FAMIGLIAS IN FASTIZOS,
ISCUROS CUSTOS FIZOS
NO’ ISCHINT SI ANT FUTURU E S’ANT BETZESA.
CHIE TENET SU PODERE
TOTU SAS FORTZAS PONZET IN CANTIERE!

Iscanu, Frealzu 2004