Bonorva numerosa in sos armentos
as petta sabotida, casu e lana,
as de Santa Lughia sa piana,
terra fertile e pasculu e frumentos;
minerale sorgente una funtana
analizzada cun sos istrumentos
e ricca de poeticos talentos
meritas sos elogios chi ti dana.
As coltivadu in montes e pianos,
dae su campu a s'adde e cunzadu,
in terra 'e Logudoro tantu digna,
su laore ch'ispaltu as cun sas manos,
su trigu a sos ammassos chi as versadu,
fis de sas primas biddas de Sardigna.
