Tandu
lompiat s'ierru e
sa nia
coberriat
moris e cungiaus
e
nosu
acanta de su fogu
in coa de babu e mama
pariaus is meris de su mundu

“Serra serra
palas a terra
palas a muru
topi su muru
muru su topi
totu sa noti
totu sa dì
fai su letu
e crocadì!”

In d'una tassa
su butoni
de un'arrosa,
aintru de su cadàsciu
bisus e isperas

Addìa de sa ventana
sa mata de sa figu...

Sa nia
coberriat
moris e cungiaus

Allora

Allora / giungeva l'inverno e/ la neve/ copriva/ sentieri e prati.// E/ noi/ vicino al fuoco/ sulle ginocchia di babbo e mamma/ sembravamo i padroni del mondo.// Serra serra/ palas a terra/ palas a muru/ topi su muru/ muru su topi/ totu sa noti/ totu sa dì/ fai su letu/ e crocadì!// In un bicchiere/ il bocciolo/ di una rosa/ dentro il cassetto/ sogni e speranze/ e di là della finestra/ l'albero del fico...// La neve/ copriva/ sentieri e prati.

3° premio. 25^ edizione Premio di poesia sarda “Sant'antoni de su o'u”. Sezione versi liberi. Mamoiada 17 gennaio 2016