Su zuighe zaravallu
de Tonino Fancello

E premia ca ti premian zaravallu
su nobel t’an a dare a sa vaina
e una fune a gattile po meichina
tirande ene po non fache irballu.

De corruzione tue as fattu callu
e po su inare sa mala drottina
sa vardadera alluat una mina
chi non nd’arrumbet unu po avallu.

Si ses cunvintu c’arribas a marte
a mimmi pares c’arrumbas iffundu
vorzis prus iffundu e a disparte.

Ca bend’appiu atter’a intundu
chi at cumpresu ca non fit bon’arte
a critticare poetas de su mundu.