Su traballu in agonia

Bentu de crisi, bentu ‘maletzosu
in s’animu si movit inchietu -
molinendi sentidus de abetu
chi svanessint-in tempus astiosu.

Nudda frorit, in trista cuscienzia
ca s’est arrebellada sa ripresa,
mentris crexit a craccu poberesa
cuendi de sa paxi passienzia.

Si pèsanta fruccaxas de amargori
contras su papa-papa generali
in cammineras de s’economia,

Perdeus dignidadi e capitali
cun risorsas a zeru de valori
arrancat su traballu - in agonia.

<><><>

Su coru in affannu, resolutu
asistit - cun sa fortza speranzosa
ca creit in sa vida - prosperosa
abetendi de s’òbera su fruttu.

Frimai ndi podeus - malu ‘entu
Po ndi calmai strasura bramida,
de modu chi scabiddit frori ‘e vida
e chi dogniunu tengat giovamentu.

Petantis sa fruccaxa de protesta
si umpèrit coment’e istrumentu
po bentular-isperas de lugori;

Incungendi amori e cuntentu
chissai! Chi torreus a fai festa
mantenendi asiendas in vigori.

Il lavoro in agonia

Vento di crisi, vento minaccioso,
nell’animo si muove - agitato
mulinando sentimenti di desiderio
che svaniscono nel tempo astioso.

Niente prospera, in triste coscienza
che si è arrestata la ripresa -
mentre cresce folta povertà
oscurando - pace e pazienza.

Di amarezza si alzano forconi
cntro la mangeria generale
nell’ambito dell’economia;

Perdendo dignità e capitale
con risorse a zero di valori
dove arranca il lavoro, moribondo.

<><><>

Con il cuore in ansia – deciso
resiste con la forza della speranza
che cresce nella vita prosperosa
in attesa che l’opera dia frutti.

Fermare potremo, l’infame vento
Rasserenando bufera smaniosa,
di modo che sboccino fiori di vita
e che ognuno tragga beneficio.

Intanto i forconi di protesta
s’impieghino come strumenti
per ventilare sogni di albori;

Ammassando amore e buonumore
e forse torneremo a fare festa
mantenendo aziende in vigore.

Vincenzo Piu
Menzione D’onore Premio “ Su Casu” Sindia - 2012