Su sorichittu de mastr’Andria
Unu cantu ‘e casu aturronadu
Isparghenne profumu in sa cantina
Frisca che a sa rocca e sa codina

In intr’e una tzella appo lassadu
Tzertu no ischit cussu pogherittu
Su chi galu li debet arribare
Ca si in intr’ e sa tzella at a intrare
Non c’at a essire chin profittu.

Sa provvista d’onzi notte at intaccadu
Che ladrone ch’irrobat a s’iscuru
Triunfante si c’annavat sicuru
Però oje sa coda b’at lassadu.

Mastr’Andria carthulaju tenet dolu
De viere su sorichittu isconsoladu
E istringhet unu pattu chin su ladru
De bi l’attaccare sa die ‘e “Su Cossolu”
Si non torrat mai prusu a pithicare !