Su podere
di Giuseppe Concas

Sos italianoso politicos
opositzione e magiorantza
usan pro sa cadrea s’arrogantza
tra issos de odiu criticos.

A sa presentza an getones ricos
ma pagu valore a sa sustantza
e faulas nde naran’ abastantza
faghen sos bufones ridiculos.

Diretores giornales e articulos
pro difesa de ‘onzi circostantza
solu pro issos est sa fratellantza
a su populu sos crabicos sicos.

Non fit gai mancu sa Militzia
regime ditatura obrigados
comente b’at varios istados
regnantes prenos de malitzia.

Nois democratica furbitzia
libertade male amministrados
una marea ‘e disocupados
fortza giovanile sa primitzia.

Resa chi da frutu s’amicitzia
ue s’iden sos bonos resurtados
similes fatos sun documentados
triballu ben’essere zustitzia.

Oe usana e faghen duellos
cun fintas brigas in su parlamentu
sindacados de ‘onzi movimentu
in sas piatzas faghinde burdellos.

Promitin pius artos sos livellos
pro totu uguale tratamentu
e a s’ora su populu cuntentu
cun inzustoso e falsoso apellos.

Sighinde sos matessi modellos
sentza sas bases dae fundamentu
ei sa povertade in aumentu
disordine miseria e frazellos.

A fin’e die sa cronaca ‘e sero
mala s’ispera menzus su manzanu
ca sa virtude ‘e s’essere umanu
s’isvilupada creschinde dae zero.

In donz’istadu in menzus ispero
paghe serena zuditziu sanu
finas in sue de su Vaticanu
b’at male puru in mesu su clero.

Gai su Paba non preigat’invanu
ca este in santitade cunsidero
solu pensandebei bi suero
sas craes de Pedru ad’in manu.

Mi auguro ‘onzi italianu
chi at de facoltade su podere
de acudire bene a dovere
cun su capu ch’est Napolitanu.

Bolotana, 11-04-2011