Su Matrimoniu
di Gigi Piu

C’happo fattu su meu piaghere,
non m’hat su matrimoniu delusu
e sun trincachimb’annos e piusu
chi semus paris, marid-e muzere;

Tzeltu non so istadu babbu e mere
Che tzeltos avvezzados a s’abbusu,
sos chi ponen sa domo sutt-a susu
sena fagher su propiu dovere;

Amargos chi m’attristan e m’accoran,
che fumu si che andan in s’aera
c’happo nebod-e fizos chi m’adoran;

Issos mi dana linfas e ispera,
sun issos chi sas dies m’indeoran,
d-ogni pelea m’est pius libera.-

Magumadas su 2002