Sos ojos tuos
(A fiza mia Carla de noe annos)

Sos ojos tuos pitzinnedda bella
sun azurras aeras
sulcadas
da olos intritzados
de rundines lezeras.
Su biaittu mare
traessadu a porfia
dae bandelas
subra biancas velas
appenas zanzigadas
dae frinas pesperinas.
Pasculos montaninos
traessados de friscos
rizolos cristallinos
in festa de anzones
e bamas belidantes
e ischiglias sonoras
chi lampan melodias
in fundu a sos baddijos
sonnigosos.
Sun funtanas de paghe
serenas
chi a su coro meu
dan recreu.

Vittorio Falchi