A unu Barbieri

Mi paret chi ti bio in su salone
Cun champos serros e cun macchinettas
Ca s’arte tua in dognia istaggione
T’obligada a muntennere faccias nettas

Gasi t’aplicas cun perfezzione
A faghere barbas pilos e basettas
De tantu intantu calchi contu ettas
De sos campionados de pallone

Zertu chi sese istraccu a fine chida
Ca ses prantau e fatigas sos pese
Sende tottu sa die in movimentu

Ma cando essis a giru in su paese
Chi bies tottu sa zente pulida
De sas operas tuas ses cuntentu

Serafino Putzolu