Sinnos...
di Giovanni Piga

Solu che fera
in sa mudesa mea irfungudau.
Mùliat sa tramuntana
in sa janna ’e sa notte irfadeschende.

In s’istoja ’e buda su carrale
chin su pettus sinnau...
In s’ocru illaderau
beffulana sa neche d’aer bìviu.

Su toroju ’e mama in s’aposentu
m’est pesande che tronu intro su coro.
So’ che sònniu pizzinnu
accoconau
in sa pupia ’e jaju lucorosa
de sàpios carinnos codiaos.

Una luna mustrenca
in su chelu ghelau ’e pistichinzos.
Babbu falau a pare,
in sa chisina ruja ’e s’oriolu,
paret iscuttu a berbos
orminande sa luche
in su cherbeddu suo irganilau.

Dego, pizzinnu ’e nudda,
solu che fera, mudu, illibriniu
che isteddu iberrale culinudu,
irgranande sas oras de sa notte
prenas d’ispina ruja
che corona ’e penas e isperas.

“Fizu meu ’e su coro
non ti la pachet Deus custa morte...!”

Su toroju ’e mama,
non dat pasu
mancu a sa die noba ch’est naschinde,
m’est falande che tronu supra ’e palas.

E iffora su bentu muliande
jubilande a péntumas e predas
su lùmen malaittu ‘e sa binditta.

So’ timende ch’arbescat
...Surdu cheria esser
Deus meu...

^^^^^^^^^^^^^^^^^^^^^^^

Segni...

Solo, come una fiera
ghermito dal mio silenzio.
Mugghia il vento
sulla porta della notte che dirada.

Su un giaciglio di biodo mio fratello
con il petto squarciato...
Negli occhi dilatati
beffarda
la colpa d’aver vissuto.

Il lamento funebre di mia madre
nel cuore mi romba come un tuono.
Sono come un sogno di bimbo
accovacciato nelle pupille di mio nonno
permeate di carezze rimpiante.

Una luna furtiva
in un cielo adombrato d’affanni.
Mio padre,
come ferito da scongiuri
accasciato
sulla cinigia del tormento,
rimugina il passato
nella sua mente avviluppata.

Io, ancora imberbe,
solo, come una fiera
muto, infreddolito
come una stella ignuda d’inverno,
sgrano le ore della notte,
densa di spine rosse,
come un rosario di pene e di speranze.

“Figlio del cuore mio
non sarà Dio a vendicarti...!”

Il lamento funebre di mia madre,
non dà pace
neppure al nuovo giorno che vagisce,
mi cade come un tuono sulle spalle.

Mugghia il vento
tra dirupi e pietraie ululando
il nome della vendetta
...Che sia maledetta!
Ho paura che albeggi
...Fa’ che diventi sordo,
Dio mio...

Estate 1995