SAS GRANDES CITADELLAS

Sas grandes citadellas
De s'Italia unida
De su Laziu est Roma
Sa nostra capitale
De Lombardia est Milanu
De Piemonte est Torinu
De Giulia est Venezia
E Napoli famosa
Tantu bella est Verona
Brescia, Como, e Pavia
Firenze est de Toscana
E Livorno moderna
E Palermo incantevole
De Manfredi regnante
Gridende mora mora
In sa terra insulare
E Aquila in altura
In Abruzzi an a bantu
Perugia est simetrica
De Umbria su modellu
De Calabria est Regiu
E Ravenna in Romagna
Reggio Emilia puru
Est rica e importante
Venezia tridentina
E Genova e Trieste
Padova, Trento e Trevisu
E Cagliari in Sardigna
Pitoresca est Nuoro
Vicinu a Gennargentu
Sa pius alta veta
De sos sardos notoria

Sas grandes citadellas
Ses rosa colorida
reina de sas bellas.

De s'Italia unida
Reina de sas bellas
ses rosa colorida.

De su Laziu est Roma
Bellesa mondiale
nde leas su diploma.

Sa nostra capitale
Nde leas su diploma
bellesa mondiale.

De Lombardia est Milanu
Mind'atiras vicinu
cando so prus lontanu.

De Piemonte est Torinu
Cando so prus lontanu
mind'atiras vicinu.

De Giulia est Venezia
Venere graziosa
donzi coro t'apreziat.

E Napoli famosa
Donzi coro t'apreziat
Venere graziosa.

Tantu bella est Verona
Pandora e Cloris mia
ti deghet sa corona.

Brescia, Como, e Pavia
Ti deghet sa corona
Pandora e Cloris mia.

Firenze est de Toscana
De grassias superna,
anghela sovrumana.
E Livorno moderna
Anghela sovrumana,
de grassias superna.

E Palermo incantevole
A su visu abbagliante
cantu ses ammirevole.

De Manfredi regnate
Cantu ses ammirevole
a su visu abbagliante.

Gridende mora mora
Solu pro ti mirare
s'animu lu ristorat.

In sa terra insulare
S'animu lu ristorat
solu pro ti mirare.

E Aquila in altura
T'at betadu su mantu
sa dea 'e s'ermosura.

In Abruzzi an a bantu
Sa dea 'e s'ermosura
t'at betadu su mantu.

Perugia est simetrica
Cantu lu tenes bellu
su tratu chin s'estetica.

De Umbria su modellu
Su tratu chin s'estetica
cantu lu tenes bellu.

De Calabria est Regiu
Donzella de Ispagna
pares de altu segiu.

E Ravenna in Romagna
Pares de altu segiu
donzella de Ispagna.

Reggio Emilia puru
Cuddu felice amante
chin tegus est siguru.

Est rica e importante
Chin tegus est siguru
cuddu felice amante.

Venezia tridentina
Che a tie non b'este
una perla torpina.

E Genova e Trieste
Una perla torpina
che a tie non b'este.

Padova, Trento e Trevisu
Pares fiza 'e Ciprigna
a su gentile visu.

E Cagliari in Sardigna
A su gentile visu
pares fiza 'e Ciprigna.

Pitoresca est Nuoro
Donz'ora, 'ogni mamentu
che santa a tie adoro.

Vicinu a Gennargentu
Che santa a tie adoro
donz'ora, 'ogni mamentu.

Sa pius alta veta
Imparalu a memoria
su mutu 'e su poeta.

De sos sardos notoria
Su mutu 'e su poeta
imparalu a memoria.

Agostino Satta (Torpè)

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!