CASTIU FORA DE SU FINESTRINU E BIU SA TERRA MIA

E SU CORU SI STRINGIRI

STIMU SU BIRDI DE IS CAMPUS
STIMU IS BREBEIS PASCENDI
STIMU IS PERDAS POSTASA A DIVIDIRI
MUCADORIS COLORAUS DE TERRA MIA

CASTIU E BIU

IS ARROCAS GIOGHENDI A MATTA ACCUA IN MESU A SA CAMPAGNA
E UNA GANA MI BENIDI DE ALLONGHIAI IS MANUS E TOCCAI
SA TERRA,S’ACQUA, IS PERDAS E SU XELU DE CUSTA TERRA MIA

CASTIU CUN SU CORU E BIU SA GENTE MIA

STIMU IS FEMINAS SERIAS E IMPERIOSAS
STIMU IS OMINIS DE PAGUS FUEDDUS
STIMU IS OGUS MANNUS E NIEDDUS DE IS PIPIUS

E SU CORU SI STRINGIRI

CASTIU E BIU SA VIDA MIA