Sapienza e bellesa
de Giuseppe Sotgiu e Raimondo Piras

 

SOTGIU
1

Pro appagare sa ostra presenzia
mi so de nou a cantare f icchidu
pro su populu intreu riunidu
ch’iscultende est cun vera cumpetenzia.
Su primu tema como est arrividu
a mie dadu m’han sa sapienza.
Che sa chi mira tottu a oiu nettu
ca est sa vera lughe e s’lntellettu.


PIRAS
2
Mi leo su capellu e reverenzia
li fatto cun impignu e gentilesa
a sa lughe e sa tua intelligenzia
tottu devimus tennere a grandesa,
a mie ch’happo paga sapienzia
pare chi m’happan dadu sa bellesa;
non so e sapienzia vascellu
ma mi parzo importante ca so bellu.


SOTGIU
3
Hasa una faccia in colore ‘e rosa
contada un’attrativa geniale,
ma ti cheria narrere una cosa
sa sapienzia est sa base centrale
e la creo una cosa difettosa
da chi li manca su tantu e su sale
mancari bella siada e presenzia
su chi interessada est sa sapienzia.


PIRAS
4
Chi happa sale in testa o puru pagu
ma su sale in cherveddos non providede
e naran tottu cussu est unu magu
prite sa controversia decidede,
ma, su ch’est in cherveddos s’ide pagu
su ch’est in cara invece ognunu l’idede.
Ammie tottu a rodiu mi girana
ca lis piago meda già m’ammirana.


SOTGIU
5
Non naro chi sa dua est frase istramba
ma pone a una femina s’aneddu
comente e faccia had’aessere ingamba
ma si ha pagu sale in su cherveddu
daghi 1’intes su primu faeddu
già ti sese abbizzadu ch’issa est bamba
e mala impressione attie faghede,
tando nemmancu e faccia ti piaghede.


PIRAS
6
Ma macca e bamba deve iscaltare
deo naro ‘e cabu a mesania
da chi miden l’is fatto simpatia
s ‘innamoran chena faeddare
ca basta solu de m’abbaidare
lis ponzo su cherveddu in tribulia
ei sos coros cando troppu bruiana
finas so sapiente s’imbenuiana.


SOTGIU
7
Sa sapienza in una persone
est cosa ‘ona ti fatt’eo a crere
t’indica de sa via s’istradone
connosche d’ogni cosa a piaghere
impara bene una professione
o sia cale sia mestiere;
prite su sapiente so cunvitu
in cale sia ramu isse est distintu.


PIRAS
8
Ma pro chircare s’anima gemella
soiu e somine est sempre fidele
ca prite sa belesa est una istella
chi genera in coro una Babele
s’omine cand’idede una femina bella
sich’etta che musca intro su mele,
gai matessi est cando idede a mie
sich’etta subra e che restada inie.


SOTGIU
9
Naras chi sa bellesa ti consolada
ma non deve giampare su confine
su tema non si torrada a Brumine
i nd’ogni via giusta isse che colada
e da chi est sabiu un omine
inue chere stue non s’imbolada,
c’a li dare s’amore ei s’istima
ba bene istudiadu dae prima.


PIRAS
10
De fronte a mie non tenes reione
s’abbaidas a mie t’arruinas
ca ti ponzo in su coro passione
e fattu meu che cane carnminas
ma non fi sapiente Salomone
e tenia treghentas cuncubinas,
si est dadu a s’amore bestiale
pro sa bellesa a perdidu su sale.


SOTGIU
11
Nara proitte in vantaggiu ti crese
menzus chi cussa frase la cancellas
Salomone est su menzu des sor rese
ca pigadu sa fama a sas istellas
e tottugantas sas feminas bellas
a Salomone si ettana a pese.
Tue mi cheres ponner unu neu
abbizzadinde ch’enis fattu meu.


PIRAS
12
Tando sese invertinde cussu impreu
o cherese agire dae nou
Salomone est distintu dae Deu
ma eo fertu happo su coro sou
naras chi enzo dei fattu tou
e tue ses beninde fattu meu
ca deo happo paradu sa petorra
e semus totta fida a s’andetorra.


SOTGIU
13
Ma Salomone faghe meravizza
mastru e sas suas massimas famosas
dae cussu est immortale e tind’abizzas
isses e su giardineri e tantas rosas
pensa tra concubinas e isposa
chi a fiancu da tentu una mizza;
ma unu bellu ne tando ne mai
nara s’ha tentu de muzzeres gai.


PIRAS
14
Ma Salomone ha tentu troppu ispasciu
e chircada sas feminas bella(s)
unu superbu re, già torra basciu
sempre in chirca de anima gemella
malefadadu fi chei su masciu
chi teniada una mizza e pecorella( s)
s’ind’est’attattu ma destinos sunu
ca a sa fine restadu nde degiunu.


SOTGIU
15
Non fia masciu ne beccu e craba
isse e sa regia est intro a sos cancellos
sezzidu tranquillu che unu paba
e ha rispostu a tottu sos appellos
bi est andada sa reina Saba
e ha garrigadu e oro sos camellos,
pro debellare e su sabiu su coro
che li ha giuttu una provista e oro.


PIRAS
16
Ma Salomone su prus mannu e sos rese
isse est sempre e sas bellas in bidea
e da chi a bidu ennida cussa dea
l’ha nadu a domo mia ennida sese
sin d’est caladu dae sa cadrea
e ai cussa bella ha basadu sos pese.
Su babu de su sale e de sos brios
s’imbenuiada a basa sos pes mios.


SOTGIU
17
Las’aprezzo sas tuas frases raras
però non lassa su tronu su re
ca tottu sas bellesas più caras
mi chi ‘ogadu non l’han fora e se,
ma basaiana a issu su pe
issu las pasaida in sas laras.
Ca lis tenia tanta simpatia
e li faghian finas cumpagnia.


PIRAS
18
Salomone sas bellas in podere
ti naro chi feridu l’han su coro
sas bellas li faghian piaghere
e naraia deo già ti addoro
e anzi pensa chi caichi muzzere

c’adorian sos idolo issoro,
non solu ischi che re s’est abbasciadu
ma s’est finas de Deus ismentigadu.


SOTGIU
19
Deus est una cosa differente
no ha che noi sa parte minore
però a isse pro rendere onore
bi pensa d’ogni mastru e sapiente
se sapiente e ch’est intelligente
tando a fama diventada oratore,
ca cussu puru est su compitu meu
finas a tessere sas lodes de Deu.


PIRAS
20
Tue naras chi antas solo a Deu
ca Deus l’hada amadu e proteggidu
nara proite Giuseppe s’Ebreu
su cantigu e sos cantigos a leggidu
inue Salomone si est eleggidu
e cantada sa faccia e sinu meu
sa fama ca pigadu a sas istellas
finas su sinu e sas femminas bellas.


SOTGIU
21
Cantare e sa bellesa su signale
però ateru compitu lu crene
prite non b’essi s’opera uguale
tra sa mia sa tua e ti muntene
ca su sabiu la descrive bene
si non est sabiu la descrie male
invece de bianca li essi mora,
cuddu la faghe pius bella ancora.


PIRAS
22
Però unu chi cantada una dea
est sempre e sa bellesa innamoradu
Davide ha tentadu a Betsabea
ca fi bella già l’hada ammacchiadu
si fidi istada una femmina fea
non l’haia commissu su peccadu
su re a una bella già si abbassada
si est fea invece erettu passada.


SOTGIU
23
Su sabiu non ruede in errore
non che li fura nessuno su coro
da ch’est sabiu meda un iscrittore
podede iscrie paginas de oro
prite su sabiente est ch’ha valore
est’ogni liberu unu capolavoro.
Non b’hada itte cogare e ne curreggere
L’ha fattu e ti piaghede a lu leggere.


PIRAS
24
Ma cand’ido una bella signorina
a mie basta custa solamente
Vabbaido s’est bella e s’est carina
ca mi ponede in venas fogu ardente
Raffaello ha dipintu a Fornarina
non l’ha pinta pro esse sapiente,
la dipinta proitte bella fiada
e ca vi bella est chi li piaghiada.


SOTGIU
25
Una bellesa a fiancu mi pones
pritte chin sas pitturas già ti adattas
però si sun sapientes sas persones
mirende cussas già non la agattas
ca sa legge de sas naziones
dae sos sapientes cheren fattas
e gai pode dare ogni recreu
de paghe e bene pro su mundu intreu.


PIRAS
26
Ammie non mi importana sa Iegges
dae sa legges che passo lontanu
naras chi s’omine protegges
lassa su forte e puni su mezzanu
ma, sa debilesa de su coro umanu
narami Peppe cando la curregges,
sa bellesa est de fidoso una sola
chi sa gente che rue sola sola.


SOTGIU
27
Si che rue che pro peleu
e conta che a falare unu tronu
eo non so pensende a su recreu
de su sabiu sigo ogni arreionu
ca sa bella muzzere e su padronu
no ha trampadu a Giuseppe s’Ebreu
a cando a dainanti sou si li prostada.
ma issu sabiu e non si li accostada.


PIRAS
28
Ma Giuseppe s’Ebreu non fi bonu
fossi in coro giughia caichi nue
ca cussa bella l’ha pregadu in donu
e issu che ghiacciu istada igue
si fia istadu deo o puru tue
non l’haemos lassada a su padronu
Giuseppe istadu est bonu che teraccu
però comente omine fi maccu.


SOTGIU
29
Esperimentu lea dae mé
proitte cussa bella li hada invasu
però nde so cunvintu e persuasu
ch’ischi Giuseppe inue ponne pè
a sa padrona a negadu su asu
oe tene su gradu e viceré,
cosa chi non has fattu mai tue
su sabiu s’innalzada in tottue.


PIRAS
30
Giuseppe ha nadu deo comunella
non de fatto cun tegus e lischiada
de Putifarre cussa pulcinella
Giuseppe est bellu e issa lu cheriada
ma immagino chissà non fi bella
e a Giuseppe non li piaghiada,
non l’ha pigadu de amore idea
abisu meu chi vi troppu fea.


SOTGIU
31
Iscritt’ han chi vi bella e avvenente
non la lasse s’idea in abbandonu
però Giuseppe unu teraccu Onu
e ca est bonu gai e sapiente
ch’issa si li prostede est in donu
restada inue vidi eternamente
ca sa fide e su coro non de ruede
nei su casteddu e su sale distruede.


PIRAS
32
Ma abbaida cand’intro e sa barracca

b’had’una bella ognunu sì cre mere
abbaida unu ch’ada una muzzere
cando in domo b’ha bella una terecca
tando su coro faghe tic tacca
nde faghe morre de su piaghere
ei sa muzzere gelosa che luppa
ca est su fogu a vicinu a s’istuppa.


SOTGIU
33
Lassa s’istuppa a lume già est fiacca
non seghes de sa paghe sa corona
lu pode faghere una conca macca
ca est un’azione pagu ona
ca pro dare unu asu a sa terecca
a boltas che li fue sa padrona
tando s’abizza ch’isse in fallu est ruttu
ei sa paghe e domo si ha distruttu.


PIRAS
34
S’omine sabiu rued’in s’istante
si est de una femina invaghidu,
non sind’ammenta mancu ch’est maridu
cando de fronte bella had’un’amante.
Coppi ‘e sos campiones fi gigante
narami como chie ha preferidu.
Pro lograre e sa Dama sos disizzos
abbandonadu ha muzere cun fizos.


SOTGIU
35
A ti ponnere in conca su dovere
faghe, li spiego a faccia franca
Coppi de sos ciclista fi su mere
isse podia currere a un’anca
e hada abbandonadu sa muzzere
pro si leare sa dama bianca
e fina a oe amante e signora
salvu errore lu sunu in lite ancora.


PIRAS
36
Ma enidi una lite e contierra
pro si che giughede sa femina anzena
sa bella est chi li pone sa cadena
e istriscia che verme subra terra
ammentadinde pro sa bella Elena
sos grecos fatt’hana degh’annos de gherra
non importa sa gherra ca est nausa
ma sa bellesa e lites est sa causa.


SOTGIU
37
Sa bella ti piaghede che i sa crema
ma non balede a da chi est conca macca
ca ca bettadu e domo sa barracca
non mi piaghe su sou sistema
s’una femina b’hada in su poema
est Penelope in s’Isola e Itaca
chi nega de sos Procio su cumbidu
e isetta vint’anno su maridu.


PIRAS
38
Penelope a s’istoria est passada
e de feas no est in parentella
però Ulisse già si l’ha leada
prite li piaghia ca vi bella
l’hada isposada essende verginella
e cun tottu su coro l’hada amada
ca li piaghede reina la faghede
proitte sa chi est fea non piaghede.


SOTGIU
39
Proitte non piaghe cando est fea
pode finas piaghe totta vida
de sos romanzos s ‘istoria intrea
a branu a branu l’hasae leggida
però deves pensare chi ogni dea
est in sa mente non l’han concepida
pro ae sa sapienzia issa est dotta
proitte non l’ha bida e ne connotta.


PIRAS
40
Eo a romanzos so pagu fidele
cherzo sa bella chi faghede iscattu
abbaida Giacobbe pro Rachele
fatt’ha battordigannos de teraccu
e Giacobbe a bi cres chi non fi maccu
ma vi bramende sa luna e su mele
ca su coro in s’amore non ha frenu
e si rassignada a teraccu anzenu.


SOTGIU
41
Issu est su capu e sa famiglia intrea
non est teraccu cun su zappu in manu
attesu allontanare sa idea
ca Esau su frade fi mezzanu
però ne rnancu maccu vi Labanu
chi prima dadu l’has sa fizza fea
e bi ressessi cun sas trassas suas
a bi las faghe leare ambarduas.


PIRAS
42
Però Giacobbe tenia s’idea
de Rachele ch’est candida che nie
e la nadu eo cherzo cussa dea
prite su coro feridu hada a mie
a denotte si dormi cui sa fea
cun sa bella s’ispassada a dedie
e ambas la s’hada in mente giughe
una a s’iscuru e s’attera a sa lughe.


SOTGIU
43
A mie non mi faghe meraviglia
ma una cosa narres ti cheria
proitte est tottaganta sa puntiglia
tenzende tue bella in sa mania
cun sa fea s’ha fattu sa famiglia
e cun sa bella duos fizzos ebbia
ma saere sa bella pius amadu
haia creschidu e moltiplicadu.


PIRAS
44
Ma Giacobbe fidi omine e talentu
chi sa bellesa non chere finire
sa fea la faghiada accudire
sa bella la tenia pro appentu
sa bella fidi pro si divertire
ei sa fea pro allevamentu
tanta fi fea che una chipudda
si si guastaiada non fi nudda.


SOTGIU
45
Pro appagare bramas e desizzos
non creo chissa siada una dea
ammentadinde chi sa gente ebrea
de creschen già tenian contifizzos
e d’est istada cussa isposa fea
sa chi a isse l’ha dadu tantos fizos,
pro la cresche sa sua parentella
cosa chi dadu mai li ha sa bella.


PIRAS
46
Nois non semus pro sa parentella
semus cantende pro sa nostra idea
Giacobbe ha puru apprezzadu sa fea
però non fidi s’anima gemella
non ha nadu, leo sa bella pro hae sa dea
ma, leo sa fea pro sa bella
e des bistadu teraccu fidele
solu pro sa bellesa de Rachele.


SOTGIU
47
Tottu su chi mi enidi a sa mente
deo istasero non potto a chettare
tue in Lia non tenes niente
cussa aura la deves lassare
ma Rachele ch’est bella e sapiente
cun teguis la tenzo a messapare
dei cussa duas isposas in sa terra
ammentadinde bind’hapo una e perra.


PIRAS
48
Tue non cheres sa parte e sa fea
ca sa fea non batti passione
e deo naro totta ti la lea
non ti la cherzo nemmancu a cumone
ma de Rachele ca fidi una dea
m’abizzo chi nde cherese un’uccone
de cherese unu uccone già ti appagasa
tando mi naras cantu mi lu pagasa.


SOTGIU
49
A ti ende sa parte est un isfreggiu
ti lu rispetto inoghe dae nou
da chi tenzo e sa sabia su prou
già non committo unu sacrileggiu
ca si sa sabia la tenzo in sorteggiu
non so vivende dae su tema tou,
ca a compuru de cosa non de leo
so cuntentu e sa parte ch’hapo eo.


PIRAS
50
Ma eo non so omine crudele
tinde cheria dare porzione
deo a sa bellesa mia so fidele
e la tratto cun vera passione
ma tue mi hasa nadu chi a Rachele
in ambos la tenimis a cumone
ma eo non bi cherzo cumbinare
a tennere unu caddu a mesapare.


SOTGIU
51
Lassa su caddu domadu ne rude
chi non m’appago dae cuss’iscusa
ca si Rachele hada una virtude
sa sapienza che cherede inclusa
fina a bezzesa da gioventude
nemos nara chi vi de mente ottusa
toccada ognunu sa parte si fettada
però dende a d’ognunu cantu ispettada.


PIRAS
52
Tue nde cheres parte e cumpensadu
de sa pianta cheres unu fruttu
ma Giacobbe da Labanu est andadu
pritte sa mala sorte che l’ha giuttu
e a da chi ha bidu a Rachele in su puttu
ca vi bella s’ind’est innamoradu
intro su coro tremula che fozza
palpita pro sa bella e mala ozza.


SOTGIU
53
Non est sa bella faccia a meraviglia
chi muntene de paghe su cumone
ma una sabia a perfezione
faghe tottu sas cosas a puntiglia
dada a sos fizzos una istruzione
tene che gioiello sa famiglia
indirizzendela in sa giusta via
cussu lu faghe sa sabia ebbia.


PIRAS
54
Como lea un istella risprendente
ch’est in chelu che una sentinella
cuss’istella non giughe mancu mente
ca non giughe cherveddos un’istella
non lis podimos narre sapiente
ma sempre la miramus ca est bella
s’abbaidamos bene dae gue,
e bi so deo ma bi mancas tue.


SOTG1U
55
Mi che cheres bogare fora via
ma non micch’ogas daghi so presente
istudiecle s’istella lughente
ammentadinde bi so deo ebbia
ca est sa proa d’ogni sapiente
ch’istudiadu t’ha s’astronomia
so deo solu padronu e sos astros
ca sabios lu sun tottu sos mastros.


PIRAS
56
Ma tue nachi a istudiare
ticch’anda como a s’astronomia
ma deo godo pro l’abbaidare
ca est bella e mi faghe simpatia
sa bellesa mi faghede incantare
in cue totta b’est sa parte mia
l’happa fatta natura o fatta s’arte
tue non binde tenese mancu parte.


SOTGIU
57
Si ogni istella contada unu mundu
menzus lassal’istare su chimentu
bi chere un’istudiu profundu
chi lu faghen sos mastro de talentu
istudiadu han d’ogni movimentu
ma sos chi sale giughiana e bundu
istudiadu nde han bene su mottu
e da issos d’ognunu l’ha connottu.


PIRAS
58
Ma proitte s’eternu creadore
ha fattu ogni fiore in su terrinu
sa primavera est tempus de amore
chi soiu umanu s ‘incanta continu
nde tenede una parte de isplendore
nde l’oddidi si lu ponede in su sinu
ca sa bellesa nde faghede appellu
e nd’oddi su fiore pius bellu.


SOTGIU
59
Si mira su fiore ei s’ispina
non mi nerzas ch’est tua porzione
pro innalzare a sa telia vicina
ses fatta d’ogni cosa a campione
Deus est sapienzia divina
c’ha fattu tottu a sa perfezione
da chi lu ide s’oiu già piaghede
iss’est meravigliare chi lu faghede.


PIRAS
60
A Deus non l’amus in comunu
ca Deus che cumpagnu non l’agattas
sas rosas birde de colore brunu
pro s’ornamentu bellu sunu adattas
e la s’ammiro ca bella già sunu
non ti pregonto chie l’ha sa fattas
sun tottu da sa mia parentella
m’importa solu chi siada bella.


SOTGIU
61
A sa bellesa tenes tue amore
ma non has bene a fundu esaminadu
in d’ogni rosa e in d’ogni fiore
chie su primu semene l’ba dadu
e sa bellesa e tottu su creadu
e sapienzia de su credore.
Non la lasso sa parte in abbandonu
ca isse d’est istadu su padronu.


PIRAS
62
Ti cherese afferrare a tantas cosasa
Ma Deus est misteru e che lontanu
cand’ides margheritas geniosasa
las deves carignare cun sa manu
sin dogas sa bellas de sas rosasa
narami a itt’ale su eranu
s’istiu est bonu c’ha più ricchesa
ma su eranu inchede in bellesa.


SOTGIU
63
Nara proitte a Deus sese aversu
rifletti como comente e poetta
ca si discuttis bene in d’ogni versu
ma cumprendinde s’istrada eretta
S’est creadore e tottu s’universu
Deus est sapienzia perfetta,
no isco si a issu onores e preghese
però sa sapienzia, non neghese.


PIRAS
64
Ma tue a Deus prega e sempre invoca
deo pro sa bellesa happo portada
lea de abba pura una cascada
chi sind’etta dae una rocca
s’abba e tottu l’ha fatta s’isperrada
bi faghe candelottos de fiocca
e des de sa natura sa mania
ma su chi contada est sa bellesa mia.


SOTGIU
65
Ma da chi sa bellesa in parte has tentu
chi est de meraviglia unu signale
tue osservasa unu monumentu
o una rughe o una cattedrale
ma unu mastru de grande talentu
t’ha lassadu una fama universale
ca a tottugantu bi pode ressessere
ma custu mai maccu pod’essere.


PIRAS
66
Nara proitte a sos maccos t’appellas
proitte est chi su sabiu non cantas
osserva in tottugantas sa cappellas
bi pintana anghelo santos e santas
però su geniosas tottugantas
nara proitte est chi la faghen
bellas ca si su bellas tottu si piegana
ma si las faghen feas non las pregana.


SOTGIU
67
Si cussas cosas leamus a reu
pro su tou magnificu pingellu
non m’basa a narres chie a bidu a Deu
solamente lu faghen sempre bellu
ei su dimoniu lu dipinghe feu
a fattura de atteru modellu
ma non l’ha bidu sa terrena gente
e solu de unu sabiu in sa mente.


PIRAS
68
Mi su chi est bellu est tottugantu meu
non fettas de lu cherre su tranellu
chere narres chi bellu han fattu a Deu
ca de sas cosas bellas est gemellu
su dimoniu nono proitte est feu
però a Deus lu pregan ca est bellu
ca bidese in sos meres su futuru
osserva in santos già mi pregas puru.


SOTGIU
69
Si non toccamus atterunu tastu
deo ai gue mi firmo serente
nessunu a bidu a Deus onnipotente
nois soltantu sighimos cuss’astru
e d’est de unu sabiu in sa mente
Deus cun su demoniu in contrastu
de gai l’ha dipintu e isculpidu
ma solu chin sa mente est chi l’ha bidu.


PIRAS
70
Nachi a Deus l’bari bidu cu sa mente
e favoridu l’han curi su pingellu
ma cussu est un ispecia e tranellu
tantu pro faghe pregare sa gente
ma nara invece a lu piritare bellu
proitte non l’bari pintu sapiente
invece a lu faghe bellu pronto sunu
ca su sabiu non l’ide nessunu.


SOTGIU
71
Cussu igue est’atteru istradone
de di lu riarre so a connoschenzia
proitte Deus est sa perfezione
e sa funtaria de sa sapienzia
ei sos dogma de sa religione
cusse ebbia ti ponene a presenzia
si a leare sa via ses decisu
ch’est sa chi passada in su paradisu.


PIRAS
72
Non mi chiessasa in teologia
ca su teologo pagu l’isco faghede
isco solu cantare in poesia
ca so nadu pro cussu e non si fraghede
eo a Deus lu ido bellu ebbia
e da chi lido bellu mi piaghede
pro cussu a lu pregare già m’arrisco
e poi si est sabiu nond’isco.


SOTGIU
73
Unu pagu sa furia trattene
pensa in Deus chi non b’ha difettu
de sa bellesa tua in custu trettu
chi siada un immagine non crene
e puru a Deus lu ses cantende ene
ca giughe vera lughe in s’intellettu
fina a su chelu che pigas a bolu
però lu faghe su sabiu solu.


PIRAS
74
Bae e bides a nostra signora
che sa reina e tottu sos chelos
narana pro sa mistica aurora
reina e patriarcas e anghelos
l’han fatta bella e bestida cun velos
bella est issa e bella est sa dimora
e tottu lu tenimos a grandesa
ch’est su capolavoro e sa bellesa.


SOTGIU
75
Ma sa Madonna inue l’agattas
sempre isplendida lughe una pisedda
già ides sas figuras pius esattas
dae sos pilos fina a sa munnedda
ma d’E.T.F.A.S. in tottu sas borgattas
nara proitte l’han fatta niedda
ma est sempre sa mama soberana
chi est sa sapienzia funtana.