SA RUGHE

Dae cando s'omine biet sa lughe
Incuminzat sa sua penitenzia
Non importat cale si siat s'arenzia
Pro issu est zai pronta una rughe.

De sa rughe nessunu s'est coladu
Finas Gesus hat tentu cussa sorte
Comente terrenu suzzetu a sa morte
Su pesu 'e sa linna hat provadu.

Pro curpa de su primu peccadore
Toccada s'est a nois custa jotta
Como, istamos sempre in lotta
Tra affannos, penas e dolore.

Sa rughe non est mai su misura
A bortas pittica o troppu manna
A la tragare est sa cundanna
Mancari ti ported'angostura.

Chi sias in ricchesa o povertade
Dae issa non sese esoneradu
Zai nasches ben'informadu
Ca de te puru non hat piedade.

Chi siat de linna o indorada
Sa rughe portat sempre patimentu
Non s'est bidu unu riccu cuntentu
De sa rughe chi l'est toccada.

Deligia Salvatore (Su Paulesu) Cabudanni 2003