Camino a passos lentos in s'istrada
chi com'es lisia, chena s'impedradu;
connosco meda 'ene s'ighinadu
e carchi femina chi est'accontrada.

Ido sa domo mesu malandada
chi da-e meda appo abbandonadu
sa domo 'ue so creschidu e corcadu
chi como er boida, a zanna cunzada.

Allonghiada sa manu, cun rispettu,
carigno de su muru sa carchina
chi, che sa vida, s'este irfrighinada.

Com'es sa mia, cal'appo eredada,
ma su tuddu mi àrpilat s'ischina;
prango, no aberzo, e che passo erettu.