Sa Paghe
di Pietro Cosseddu

Sa pagh'est una frutta prelibada
Intretzida d'affett'e de amore!
Da'onzi bona mama disizada
Cand'in sa coa ninnat su minore.

E cantende, serenu, in sa leada
S'idet fattu 'e sam'in su pastore.
E a cada massaju fortza dada
Messend'e triulende su laore.

Est s'unich'isperantzia in sa vida
Pro madurare su "bene comunu"
In tottas chimbe partes de sa terra.

Est de olia un'albore fotzida,
Si 'enit profanada, in cantos sunu:
Su terrinu preparan'a sa gherra!

Orune