A Nadale, in domo mia,
iset' unu càntigu in coro
chi m' annuntziàt chi sunt benzende
a mi dare sa notìscia pius bella:
sos caros mios 'olados a chelu
in sa Note Santa torrant in terra.
Un'istella in chelu pro issinzare
su logu in vida tantu amadu.
No amus istranzos, semus solu nois,
nos asciutamus sas lagrimas friscas,
nos cunfortamus pro antigas piaes.
Mamma, boghe 'e chelu, at a cantare,
babbu amadu l'at a ascultare,
e sos giòvanos chi los acumpanzant
in divertimentu ant a torrare.
In cussa festa piena 'e armonia
sas umbras malas de Nadales tristos
lassant su logu a cantos e sonos.
E at a èssere su Nadale bellu
cun issos in coro pro s'eternu.

Olbia, 21/12 /2014