Sa mammai ‘e su ucchiu
de Vincenzo Pira

Pacas paràulas
naràs a s’iscusiu
un’umbra iscura
cunzau l’at sos ocros.

Po unu mementu
sa tristura
pariat prus levia
perdia in d’unu mare ‘e dolore.

Unu luchinzu debile
chi non daiat prus luche
morindesiche
a sa muda.

Alaìan pacas lacrimas
acras che achedu
in sa cara martorià
dae unu tempus maleitu.

Sinnos de morte
in pazinas de sufrimentu
de contos anticos
de un’eressia caticà.


________________________________________________
La madre dell’ucciso
Poche parole/sussurrate/un’ombra scura/gli ha chiuso gli occhi./ Per un istante/la tristezza/sembrava più lieve/persa in un mare di dolore./ Un lucignolo fiacco/che non dava più luce/ spegnendosi/nel silenzio./ Scendevano poche lacrime/ acri come l’aceto/nel volto martoriato/da un tempo maledetto./ Segni di morte/in pagine di sofferenze/ di storie antiche/ di una generazione calpestata.