SA LUGHE ‘E S’ISCURU

Didos imbreagos de disizu
sun isfozende mariposas de ispera,
pro iscantiare murrunzos de attunzu
dae ticullidas de pasu.

Gioghende a cua cua
cun s’umbra ‘e su tempus
aproendo calarinas de ammentu,
ninnende unu sonniu già fuidu.

In sas pijas de una isettu noale
chirco su sole ‘e sa notte
pro nde occhire sa lughe ‘e s’iscuru,
e ingraidare de afficu
sas bentres boidas de s’anima.

Boghes de mutria ingroghida
mi porrin fressadas de astrau.

E mi perdo in intragnas de entu.

Hapo a naschere ancora una ia
in sas alas de unu disizu.

Giovanna Maria Lai Dettori

E’ la vita che srotola i suoi giorni sempre uguali, è la vana ricerca di un sogno già sfuggito nel nulla, nel turbinio dei ricordi, aspettando e paventando l’autunno dell’esistenza. Ma la speranza tarda a morire.
E ci si culla nell’ attesa di cose impossibili, del sole notturno per illuminare e far maturare ancora certezze. Ma ci si deve arrendere di fronte alla realtà, con la consapevolezza che, rinascendo, la propria vita sarà ancora la fotocopia della precedente.

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!