Sa limba Sarda
di Salvatore Enne

Essende fizzu e sa ezza Ichinusa
e nde connosco sor modos e dizzos
nde pot’iscrier’in Sardu parizzos
acumpanzados dae paga musa

in Sard’iscrio che atera orta
comente sos antigos iscriana
ca custa limba bene connoschiana
e oe dae pagos non est morta

e a sos pagos c’ancora la tratana
custa limba, los prego in Sard’iscriana
e a sos sanos cuncursos la diana
in modu chi sos liberos nde fatana

ch’a daghi sinde faghed’e sind’endede
onzi tant’unu zovanu nde lezzede
e si b’ad carch’irballu lu currezzede
ser veru Sardu, chi Sardu cumprendede

mi pregunto proit’irmentigada
deved’esser sa limb’e Nonnu meu
cando su Regno Sardu tott’intreu
iscriad tott’in Sard’e faeddada

non la devimos ponner a una’ala
ma leamola prus in cussideru
e deo ca so Sardu so fieru
mi la difendo cun ponpa e cun gala

custa limba chi nois possedimos
non la zutemas a s’imbol’imbola
ma ch’imparada siad’in iscola
dae sos professores pretendimos

Un Sardu - Bolotana, 3 novembre 1996

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!